სერბეთის ბერძნულ-რომაული სტილით მოჭიდავეთა ნაკრების წევრმა ზურაბ დათუნაშვილმა ტელეკომპანია “ფორმულას” ეთერში მის გარშემო არსებულ ვითარებაზე ისაუბრა.
როგორც იცით, 30 წლის სპორტსმენმა რამდენიმე დღის წინ 87კგ წონით კატეგორიაში, სერბეთის სახელით, მსოფლიო ჩემპიონატი მოიგო. 2021 წელს ის ევროპის ჩემპიონიც გახდა, ხოლო ზაფხულში, ტოკიოს ოლიმპიურ თამაშებზე ბრინჯაოს მედალს დაეუფლა.
“მადლობას ვუხდი ყველა ქართველს, ვისაც ჩემი გამარჯვება გაუხარდა. როცა მეოთხედფინალში ლაშა გობაძეს შევხვდი, ჩემთვის ძალიან რთული იყო და ვფიქრობ, ლაშასთვისაც რთული იყო. ისე გამოვიდა, რომ გავიმარჯვე. რაღაცნაირად, ფსიქოლოგიურად, ვგრძნობდი, რომ მაღლა ვიყავი ყველაზე და გამარჯვებას მოვიპოვებდი. ეს აისახა კიდეც ჩემს ჭიდაობაზე.
ისეთი სიტუაცია მქონდა, რომ არ მაძლევდნენ საშუალებას ჩემი საქმე გამეგრძელებინა. მე ვითხოვდი თანასწორობას, ჯანსაღ კონკურენციას, მაგრამ ამის საშუალება არ მომცეს. ყველა პირობა შემიქმნეს, რომ ქვეყანა დამეტოვებინა. მადლობას ვუხდი კიდევ ერთხელ სერბეთს, რომელიც მენდო და შანსი მომცა. გულდასაწყვეტია, რომ საკუთარ ქვეყანას ტოვებ. როცა კვარცხლებზე ვიდექი, საქართველოს დროშა სერბეთის დროშაზე ქვემოთ იყო, რაც ჩემთვის რთულად აღსაქმელია, მაგრამ რა ვქნათ, ასე გამოვიდა.
ზოგი მწერს, რომ შენ საქმეს მიხედე და რაღაც სისულელეებს… ბევრს უხარია, მომილოცა და მადლობა ამისთვის. სერბები ძალიან გახარებულები არიან, მაფასებენ და თავს დაფასებულად ვგრძნობ. სამწუხაროდ, საქართველოში სპორტულ კარიერას ვეღარ გავაგრძელებ, წესები ამის საშუალებას არ იძლევა.
2020 წელს, ამ პრობლემების შემდეგ პირველად გამოვედი ევროპის ჩემპიონატზე სერბეთის სახელით. წელიწადზე მეტი გამოტოვებული მქონდა და სამწუხაროდ, დავმარცხდი. საქართველოს ჭიდაობის ფედერაციის პრეზიდენტი სერბეთის ჭიდაობის ფედერაციის პრეზიდენტთან მივიდა და უთხრა, რომ ჩვენ ვიმეგობროთო, მაგრამ ხომ გითხარი ზურა ვეღარ იჭიდავებსო. შემდეგ, სერბეთის ფედერაციის პრეზიდენტმა ეს ამბავი მე მითხრა. ეს ყველაფერი მოტივაციის წყაროდ ვაქციე. ერთ წელიწადში სამი დიდი მედალი ავიღე და მადლობა ღმერთს. რას ვეტყვი გეგა გეგეშიძეს? არაფერს, ჩემი საქმით ვამბობ სათქმელს”, – განაცხადა დათუნაშვილმა.
!["ერთი პატარა ოთახი გვქონდა, 3 ბიჭით ვცხოვრობდით. ეს რომ ბელგიელებმა ნახეს, გაგიჟდნენ და ეს ბინა გვიყიდეს" - გიორგი ჩაკვეტაძის დედა იხსენებს, როგორ დაიწყო მისმა შვილმა კარიერა "ერთი პატარა ოთახი გვქონდა, 3 ბიჭით ვცხოვრობდით. ეს რომ ბელგიელებმა ნახეს, გაგიჟდნენ და ეს ბინა გვიყიდეს" - გიორგი ჩაკვეტაძის დედა იხსენებს, როგორ დაიწყო მისმა შვილმა კარიერა](/uploads/posts/2024-07/1720090376_werteryyu.jpg)
![ფოტოები : “აი მესმის სილამაზე” – როგორ გამოიყურება საქართველოს ეროვნული ნაკრების ფეხბურთელის გიორგი წიტაიშვილის მეუღლე ფოტოები : “აი მესმის სილამაზე” – როგორ გამოიყურება საქართველოს ეროვნული ნაკრების ფეხბურთელის გიორგი წიტაიშვილის მეუღლე](/uploads/posts/2024-07/1720076143_imgonline-com-ua-twotoone-siregphcx3xbn6-1-750x375.png)
![მადლობა ბუდუს და მის ოჯახს, რომ სიმართლე თქვეს - დიმიტრი ობოლაძე მადლობა ბუდუს და მის ოჯახს, რომ სიმართლე თქვეს - დიმიტრი ობოლაძე](/uploads/posts/2024-07/1720058341_45565c00-395e-11ef-a022-5ddcc72e9455.jpg)
!["გული მეგლიჯება, ჩემი წურწიკა!" - გარდაიცვალა მსოფლიო ჩემპიონი ბერძნულ-რომაულ ჭიდაობაში, ნუგზარ წურწუმია "გული მეგლიჯება, ჩემი წურწიკა!" - გარდაიცვალა მსოფლიო ჩემპიონი ბერძნულ-რომაულ ჭიდაობაში, ნუგზარ წურწუმია](/uploads/posts/2024-07/1720057992_regrytyturet.png)