„თქვენ, რომ წარმატებული ფეხბურთელები გახდებით მე მოვალ და ტაშს დაგიკრავთ“ - ბუდუ ზივზივაძე ქუთაისში საფეხბურთო კლუბ „სერვალს“ ესტუმრა

საქართველოს ნაკრების და გერმანული საფეხბურთო კლუბის „კარლსრუეს" ფეხბურთელი ბუდუ ზივზივაძე, მშობლიურ ქალაქს ქუთაისს ესტუმრა, სადაც მომავალი ფეხბურთელები მოინახულა და საკუთარი გამოცდილება გაუზიარა.

„ძალიან დიდი მადლობა სითბოსთვის და სიყვარულისთვის, რასაც ჩემს მიმართ გამოხატავთ. მეც თქვენი ასაკის ვიყავი, რომ დავიწყე ფეხბურთი, მაგის მერე ყოველ დღე თავდაუზოგავად ვშრომობდი. უნდა იშრომოთ ძალიან ბევრი თი გინდათ, რომ წარმატებას მიაღწიოთ. უნდა დაუჯეროთ მასწავლებლებს და მშობლებს, ასევე აუცილებელია გაკვეთილებიც ისწავლოთ. ფეხბურთისთვის უნდა გადადოთ თავი და უნდა გიყვარდეთ ეს საქმე"- ჰყვება ბუდუ ზივზივაძე.