ისტორია რომელიც შეიძლება ბევრმა არ იცის ! - რატომ აირჩია გიორგი მიქაუტაძემ ნომერი 69?

მოგეხსენებათ, გიორგი მიქაუტაძე "ლიონში" 69 ნომრით ითამაშებს. რა თქმა უნდა, ქართველი ფეხბურთელის ამ გადაწყვეტილებამ მითქმა-მოთქმა გამოიწვია.

"69", ანუ მე ვარ ბიჭი ლიონიდან!

გიორგი მიქაუტაძის და რიცხვ "69"-ის ისტორია ჯერ კიდევ 2023 წელს დაიწყო. ქართველმა ფორვარდმა ლიგა 2-ში, 2023 წლის 24 აპრილს, სენტ-ეტიენის სტადიონზე, მეტოქის კარში გატანილი გოლის შემდეგ ხელებით "69" გამოსახა, მიიღო ობსტრუქცია, ცუდი სიტყვების კორიანტელი და ჭიქების სროლა ტრიბუნიდან.

მატჩის შემდეგ ჟურნალისტმა გიორგის ჰკითხა, რას ნიშნავდა ეს აღნიშვნაო? პასუხად კი მიიღო: "მარტივია, მე ვარ ლიონიდან და ეს მათ კარგად უნდა იცოდნენ".საქმე კი ისაა, რომ ლიონის საქალაქო, საფოსტო კოდი "69" არის.