სასიამოვნო სიახლე "ლიონის" შესახებ

როგორც მოგეხსენებათ გიორგი მიქაუტაძის „ლიონი“ ფინანსური პრობლემების გამო საფრანგეთის ლიგა 2-ში დაქვეითდა. გადაწყვეტილება საფრანგეთის პროფესიული ფეხბურთის კლუბების ანგარიშებზე ზედამხედველობის ორგანომ (DNCG) მიიღო, კლუბს გასაჩივრების უფლება  ჰქონდა.

„ლიონმა“ გადაწყვეტილება გაასაჩივრა. სასამართლოს ვერდიქტის მოლოდინში „ლიონის“ ხელმძღვანელობაში მნიშვნელოვანი ცვლილებები მოხდა. წარუმატებელი საქმიანობის შემდეგ ჯონ ტექსტორმა კლუბის დირექტორთა საბჭოდან გადადგომა გადაწყვიტა და ადგილი ქალთა გუნდის პრეზიდენტს, მიშელ კანგს დაუთმო.

შესაბამისად ამ ნაბიჯებმა შედეგიც გამოიღო და ლიონი მომდევნო სეზონშიც ლიგა 1-ში ითამაშებს.   ქართველი ფეხბურთელის გუნდი მომდევნო წელსაც უმაღლეს ლიგაში გაატარებს.